یوں تو وہ ساتھ ساتھ ہے میرے

یوں تو وہ ساتھ ساتھ ہے میرے
دل سے لیکن جدا جدا بھی ہے

دیوتاؤں سا کر و فر اُس میں
پر اداسی سے ڈر گیا بھی ہے

دل کے تاروں کو چھیڑ کر دیکھو
کچھ تو سناٹے نے کہا بھی ہے

جو بظاہر تو کچھ نہیں لگتا
میرے بارے میں سوچتا بھی ہے

اُس کی باتوں میں تازگی ہے مگر
اُس کا لہجہ تھکا تھکا بھی ہے

یوں تو صدیوں کی پیاس ہے لیکن
لبِ تشنہ میں ذائقہ بھی ہے

اِن اندھیروں سے پوچھ کر دیکھو
اِن اندھیروں میں راستہ بھی ہے

آسمانِ ہنر سے لوٹ آیا
میرا دل میری مانتا بھی ہے

جو بھی ہو، دل تجھی پہ مرتا ہے
جبکہ تجھ کو یہ جانتا بھی ہے

یہ مرا دل سدا کا خوش قسمت
مالکِ کُل یہاں رہا بھی ہے

ہفت افلاک کو کیا تسخیر
دل پرندہ گو پَر کٹا بھی ہے



Enjoy Reading This Article?

Here are some more articles you might like to read next:

  • How Machines Learn to Rebuild Particle Showers
  • Dark Matter: Evidence, Classification and Candidates
  • Evolution History of Universe: From 10 Seconds to 10 Billion Years
  • Evolution History of Universe: A Story from Zero to Ten Seconds
  • Causal Metric Hypothesis–I