واقعہ ہے کہ مر گیا ہوں میں

واقعہ ہے کہ مر گیا ہوں میں
دکھ تو یہ ہے کہ حادثہ نہیں ہے

مسئلہ ہے کہ سوچتا ہوں بہت
سوچتا ہوں کہ مسئلہ نہیں ہے

آپ نے زندگی گزاری ہے
آپ نے سوچا، کیا خدا نہیں ہے

حبس دل میں اداس موسم کا
اور نکلنے کا راستہ نہیں ہے

تیرا کوئی ترے علاوہ نہیں
یعنی تیرا بھی سلسلہ نہیں ہے

زندگی دائرہ بنی ہے مگر
زندگی تیرا دائرہ نہیں ہے

کئی آوازیں میرے اندر ہیں
اور باہر بھی تخلیہ نہیں ہے

بادشاہ تُو، فقیر میں ہوں، آ
مجھ میں خوفِ مکالمہ نہیں ہے

میرا رشتہ ازل سے ہے خدا سے
اِس سے بڑھ کر تو سلسلہ نہیں ہے

موجِ خوں سے الجھ گیا تھا بلالؔ
جانتا تھا کہ راستہ نہیں ہے



Enjoy Reading This Article?

Here are some more articles you might like to read next:

  • How Machines Learn to Rebuild Particle Showers
  • Dark Matter: Evidence, Classification and Candidates
  • Evolution History of Universe: From 10 Seconds to 10 Billion Years
  • Evolution History of Universe: A Story from Zero to Ten Seconds
  • Causal Metric Hypothesis–I