جاں گسل، مہر بہ لب ٹھہری ہے
جاں گسل، مہر بہ لب ٹھہری ہے
یہ کہانی بھی غضب ٹھہری ہے
اک وہ ساعت کہ جو جھیلی میں نے
نوکِ مژگاں پہ بھی کب ٹھہری ہے
پھول کا چاک گریباں ہونا
رسمِ دنیا بھی عجب ٹھہری ہے
آؤ آشفتہ سروں سے پوچھیں
چاندنی کس کے سبب ٹھہری ہے
میرے آنگن میں وہ خوشرنگ بلالؔ
تب نہیں ٹھہری تھی، اب ٹھہری ہے
یہ کہانی بھی غضب ٹھہری ہے
اک وہ ساعت کہ جو جھیلی میں نے
نوکِ مژگاں پہ بھی کب ٹھہری ہے
پھول کا چاک گریباں ہونا
رسمِ دنیا بھی عجب ٹھہری ہے
آؤ آشفتہ سروں سے پوچھیں
چاندنی کس کے سبب ٹھہری ہے
میرے آنگن میں وہ خوشرنگ بلالؔ
تب نہیں ٹھہری تھی، اب ٹھہری ہے
Enjoy Reading This Article?
Here are some more articles you might like to read next: